DILI, STLNEWS.co – Iha tinan 2024 Timor Leste (TL) sei adere ba Organizasaun Mundial Komersiu (OMK), ida nee pozitivu tebes, tanba bele dezenvolve liu tan produtu Timor nian ba mundu.
Tuir Deputada Bankada CNRT, Bendita Magno katak, hanesan Timor oan tenki esperansa ba nia rai rasik, sa tan ho governu neebe lidera husi Xanana Gusmão, espera TL adere ba OMK pozitivu tebes, tanba sei dezenvolve liu tan produtu Timor neebe iha.
“Adere ba OMK sei dezenvolve liu tan ita nia produtu lokal neebe Timor iha, liu-liu ba Kafe, no produtu seluk tan ba mundu”, katak Deputada husi Bankada CNRT, Bendita Magno ba STL via telefone iha Dili, Kinta (05/10/2023).
Nia dehan, aleinde promeve TL nia produtu iha mundu, TL presiza kria industria iha rai laran, nunee kria kampu servisu ba Timor oan rasik, i presiza hadia mos atividade komersiu kiik oan sira iha rai laran, nunee molok adere ba OMK, buat hotu lao ho diak.
(gui)