Tempotimor (Dili)-Reprezentante Programa Voluntáriu Australianu ba Ázia (Australian Volunteer International-AVI) introduz programa servisu ne’ebé sira hala’o hela iha Timor-Leste ba Primeiru Ministru (PM), Kay Rala Xanana Gusmão.
“Ami Agradese ohin mai hasoru Primeiru Ministru Xanana, ami diskute kona-ba sesaun ida ne’ebé bele ajuda AVI hodi suporta Governu Timor-Leste iha dezenvolvimentu”, informa Jonathan Hunter ba jornalista iha Palasiu Governu, Dili.
Implementasaun programa servisu ne’e koopera direita hosi Ministériu Saúde no Sekretariadu Estadu Formasaun Profisionál no Traballu (SEFOPE).
Organizasaun Australian Volunteer International hahú ninia misaun servisu iha Timor-Leste iha tinan 2006 no servisu hamutuk ho entidade governu Timor-Leste no Organizasaun Naun Govermental (ONG) fó ona apoiu formasaun barak ba foin sa’e Timor-Leste. (*)