DILI, STLNEWS.co – Visi Retor Pos-Graduasaun Peskiza iha Universidade Nasional Timor Lorosae (UNTL), Afonso de Almeida hatete, rekrutamentu ba estudante foun tinan 2024 presiza minimiza, nunee haree kualidade edukasaun nian.
“Problema iha UNTL nee rekruta ema iha rejime barak la halimar, kuandu rejime barak ona ita la koalia kualidade, ita koalia ekuidade pemerataan, katak ema hotu hakarak tama, entaun ita la koalia kualidade,” dehan Visi Retor Pos-graduasaun Peskiza iha UNTL ba STL iha areadores Kampus Sentral Kaikoli, Sesta (17/11/2023).
Atu hadia kualidade komesa husi selesaun, kuandu laiha selesaun nee fo impkatu ba estudante sira, tanba la liu husi selesaun entaun labele koalia kualidade.
Maizumenus presiza minimiza numeru ba rejime espesial, ida nee politika nain sira tenki desidi oinsa prepara Timor oan sira diak, nee ba futuru nasaun.
Nia dehan, kada tinan governu halo rekrutamentu ba estudante foun kuaze rihun 4 too 6, nee difikulta tebes ba prosesu aprendizajen.
Nunee mos fasilidade, sala de aula, rekursu umanu ba dosente menus, difisil tebes estudante atu kompriende oinsa bele koalia kualidade edukasaun iha Timor Leste.
“Kuandu ita koalia kualidade, ema barak la hatene saida mak kualidade, kuandu kualidade nee komesa husi parte input ba estudante foun sira,” nia dehan.
Kontinua ba pajina 2