DILI, STLNEWS.co – Kada estudantes husi Ensinu Pre Eskolar Sagrada Familia hatama osan US$ 5, hodi halo preparasaun ba serimonia graduasaun, neebe sei halao iha fulan nee.
Lia hirak nee hatoo husi Kordenador Pre Eskolar Sagrada Familia, Cornelio Antonio Soares ba STL iha nia knaar fatin, Kinta nee (09/11/2023).
“Estudantes total feto ho mane hamutuk 98, neebe mak sei halao graduasaun iha loron 27 Novembru tinan nee, ami nian preparasaun ba graduasaun nee, Sabadu agora ami sei halao enkontru ho inan aman estudantes, tanba sira nian graduasaun ida nee buat hotu entrega ba APP inan aman sira mak jere, ami hanesan diriji no fasilita deit fatin ba sira,” dehan nia.
Nia dehan, maibe parte eskola akompanha nafatin, dekorasi fatin no hahan nee entrega hotu ba inan aman estudante sira mak jere deit, nomos ba labarik sira nia tenda, maibe konvite ba graduasaun nee sira mak hasai ba sira nia superior sira.
Kontinua ba pajina 2