DILI, STLNEWS.co – Inspetor eskolar menus iha Munisipiu Manufahi, difisil atu kobre eskola sira iha area remotas no presiza rekruta tan.
Lia hirak nee hatoo husi Diretor Servisu Edukasaun Munisipiu Manufahi, Trinito Sarmento ba STL liu husi telefone, Segunda nee (13/11/2023).
“Ita nian inspetor eskolar nee hamutuk nain 6 deit, tanba nee difisil tebes atu halo kontrola ba ita nian eskola sira iha area remotas, no ita husu presiza rekruta tan inspetor eskolar, nunee bele halo monitorizasaun neebe diak liu tan ba ita nian eskola sira, ita hotu hatene hatak, ita nian eskola sira nee distansia dook malu, nee duni ho inspetor menus nunee semana ida foin ba halo monitorizasaun ba ita nian eskola sira,” nia afirma.
Trinito dehan, ba oin presiza aumenta numeru inspektor eskolar,para bele halo monitorizasaun ba eskola ensinu pre eskolar, ensinu baziku, tekvo no ensinu sekundariu jeral neebe mak iha area remotas.
Kontinua ba pajina 2