Tempotimor (Dili)-Prezidente Komisaun Organizadora ba Eventu Internasional of Road Timor (IFT), Toni Lopes hamutuk ho ekipa, hala’o enkontru ho Komandante Jerál Polísia Nasionál Timor-Leste (PNTL), Komisáriu Jerál Polísia Henrique da Costa no Segundu Komandante Jerál, Komisariu Polísia Pedro Belo hodi ko’alia kona-ba preprasaun ba eventu refere ne’ebe tuir planu sei hala’o iha munisípiu Likisá.
Tuir informasaun ne’ebé www.tempotimor.com, asesu iha pájina Média PNTL, kinta (31/08/2023) katak, partisipa iha enkontru ne’e Komandante Komandu Operasaun PNTL, Superintendente Xefe Polísia José Soares, Xefe Departamentu Informasaun Polísia, Superintendente Polísia Boavida Ribeiro, Komandante Komandu Unidade Polísia Marítima (UPM), Komandante Komandu Unidade Espesial Polísia (UEP), Xefe Departamentu Tránzitu Seguransa Rodoviaria Nasional (DTSRN) no Komandante Operasaun Komandu PNTL Munisípiu Likisá.
Hola parte mós Asesór husi husi Ministériu Planeamentu Investimentu Estrátejiku (MPIE), Adi Pinto no Diretór Ezekutivu husi AND, Renato Monteiro da Costa. (*)