VIKEKE, STLNEWS.co – Ministeriu Edukasaun (ME) komemora Masakre Santa Kruz ba dala 32, no loron juventude nasional ba dala 18, hamutuk ho familia Saudozu Sebastiao Gomes, sobrevivente Masakre Santa Kruz, no Estudantes sira iha Munisipiu Vikeke.
Liu husi nia diskursu Ministra Edukasaun (ME), Dulce de Jesus Soares dehan, nia parte haksolok tebes bele mai hamutukho povu Vikeke komemora loron istoriku boot Maksakre Santa Kruz 12 Novembru ba dala 32, no loron Juventude ba dala 18.
“ Ohin kontente tebes mai hau, tamba bele mai hamutuk iha Viqueque oan sira komemora loron historiku boot, Masakre Santa Cruz, 12 Novembru 1991 ba dala 32, ao mesmu tempu selebra mos Loron Nasional Juventude Timor-Leste nian ba dala 18,” tenik Ministra Edukasaun liu husi nia diskursu iha serimonia komemorasaun Masakre Santa Kruz ba dala 32 no loron Juventude ba dala 18, iha Kampu Futebol Munisipiu Vikeke, Domingu (12/11/2023).
Governante nee hatete, estadu Timor Leste deside 12 de Novembru sai Loron Nasional Juventude Timor-Leste nian tanba, hakarak fo’o honra bo’ot no a’as ba sakrifisiu tomak husi Joven Loriku Asu’ain sira ne’ebe uluk iha 12 de Novembru 1991 no iha mos hanoin atu jovens sira iha tempu ukun a’an kontinua ka’er metin esperitu nasionalismu no patriotismu ba povu no nasaun.
Ministra Edukasaun nee dehan, se la lori jovens sira nia involvimentu iha tempu kolonial ka tempu funu nian maka to’o ohin loron Timor-Leste ninia indpendensia nasional sei bele sai kestaun, nia dehan ho jovens sira nia aten brani husi kedan 1975 to’o 1999, maka ohin ema hotu bele halibur hamutuk hodi komemorasaun masakre Santa Cruz, 12 Novembru 1991.
Kontinua ba pajina 2