DILI: Peregriñu no sarani sira dadaun ne’e konsentra ona iha Tasi-tolu hodi partisipa misa ne’ebé preside hosi Papa Franscisco.
Peregriñu no sarani sira ne’e mai hosi teritóriu Timór inklui nasaun viziñu hanesan Austrália no Indonézia.
Maske ho klima ne’ebé manas maibé peregriñu no sarani sira kontinua pasiénsia no habai-aan hodi hein Sua Santidade Papa Francisco.
Tuir observasaun jornalista INDEPENDENTE iha terenu haree, kór mutin-kinur ne’ebé dezeña Tasi-tolu, maibé sarani barak kontinua hakat tama ba fatin misa ne’ebé iha Tasi-tolu.
Hahú tuku 15:45 sarani sira kontinua nadodon nafatin, no inan-aman balun lori ho labarik sira ba partisipa iha misa Tasi-tolu.
Ho situasaun ne’ebé manas maibé nu’udar sarani pasiente hodi hametin fiar ba Katólika.
Kona-ba seguransa ba Misa iha Tasi-tolu, Polísia Nasionál Timor Leste (PNTL) ho F-FDTL kontinua hamriik iha estrada ninin hodi asegura sarani sira.
Nune’e, ekipa husi CVTL ho saúde sira kontinua monitorizasaun ba sarani sira ne’ebé dezmaia hodi halo evakuasaun.